Bu gün "Azərbaycan Dəmir Yolları" QSC-nin (ADY) Bakı–Tbilisi marşrutu üzrə gündüz hərəkət edən əlavə qatar reysi 100 %-lik doluluqla yola düşüb.

Senzor.az bildirir ki, bu barədə ADY-dən məlumat verilib.

Qeyd edilib ki, sərnişinlər bu marşrut ilə səfərə böyük maraq göstəriblər.

Xatırladaq ki, noyabrın 1-dən etibarən Bakı–Tbilisi–Bakı marşrutu üzrə reyslərin sayı 2-dən 4-ə çatdırılıb. Belə ki, bununla yerlərin sayı 386-dan 564-ə çatdırılıb və bu da təxminən 50 %-lik artım deməkdir.

Yeni reyslər sərnişinlərə həm də gündüz səyahət imkanları təqdim edir. Belə ki, hər gün qatar Bakıdan 23:10 və 09:10-da, Tbilisidən isə saat 11:00 və 22:00-da hərəkət edəcək. Bakıdan Tbilisiyə minimum gediş haqqının 54 manat, Yevlaxdan 44 manat, Gəncədən 41 manat, Ağstafadan 38 manat, Böyük Kəsikdən isə 36 manat təşkil edir.