ABŞ və Ukrayna prezidentləri Co Bayden və Vladimir Zelenski arasında telefon danışığı olub.Senzor.az Rusiya KİV-inə istinadən bildirir ki, bu barədə Ukrayna liderinin ofisinin rəhbəri Andrey Yermak məlumat verib.
O bildirib ki, prezidentlər təxminən bir saat yarım söhbət ediblər. Bayden daha çox Rusiya Prezidenti Vladimir Putinlə apardığı danışıqlardan bəhs edib.
Öz növbəsində Ukrayna lideri Vladimir Zelenski də Twitter səhifəsində yazıb ki, Co Bayden onu Rusiya-ABŞ sammitində Vladimir Putinlə danışıqların məzmunu ilə tanış edib: “Biz Donbasdakı münaqişənin həlli üçün mümkün formatları müzakirə etdik və Ukraynada daxili islahatların gedişinə də toxunduq”.
Hələlik başqa təfərrüatlar açıqlanmayıb.
