Kişilərdən ibarət 3X3 basketbol üzrə Azərbaycan millisi Kosovonun paytaxtı Priştinada keçiriləcək Avropa Kubokunun təsnifat mərhələsinə qələbə ilə start verib.
Senzor.az-ın məlumatına görə, yığma ilk matçında Ermənistan seçməsi ilə üz-üzə gəlib.
Komandamız rəqibini 21:9 hesabı ilə üstələyib.
Qeyd edək ki, Azərbaycan millisi bu gün Kosovo və Kiprlə də üz-üzə gələcək. Qadınlardan ibarət yığma isə Malta və Lüksemburqu sınağa çəkəcək.
**10:12
Bu gün Azərbaycanın kişi və qadınlardan ibarət 3x3 basketbol yığmaları Avropa Kubokunun təsnifat mərhələsində mübarizəyə başlayacaqlar.
Senzor.az bildirir ki, Kosovonun paytaxtı Priştina şəhərində təşkil olunan mərhələdə kişilərdən ibarət yığma ilk oyununu Ermənistana qarşı keçirəcək. Görüş Bakı vaxtı ilə saat 11:30-da start götürəcək.
Komandamız eyni gündə daha üç matç keçirəcək. Yığma müvafiq olaraq, Kosovo, Kipr və Albaniya ilə qarşılaşacaq.
Azərbaycanın qadınlardan ibarət 3x3 basketbol millisi isə ilk görüşündə Malta ilə üz-üzə gələcək. Qarşılaşma Bakı vaxtı ilə saat 17:50-də başlayacaq. Saat 23:20-də isə yığma Lüksemburqla münasibətlərinə aydınlıq gətirəcək.
