Paris və Vaşinqton Qərb ölkələrində dondurulmuş Rusiya aktivlərindən əldə olunan gəlirin Ukraynaya ötürülməsinə nail olmaq niyyətindədirlər.
Bu barədə Fransa prezidenti Emmanuel Makron və ABŞ Prezidenti Cozef Bayden arasında Yelisey sarayında keçirilən görüşdən sonra qəbul edilmiş Franko-Amerika yol xəritəsində deyilir.
Qeyd olunub ki, iki ölkənin prezidentləri beynəlxalq qaydaya, milli hüquq sistemlərinə və qərar qəbul etmə prosesinə uyğun olaraq Rusiyanın dondurulmuş aktivlərindən əldə edilən gəlirlərin Ukraynaya köçürülməsi üçün Avropa İttifaqı və “Yeddilik” qrupu səviyyəsində addımları dəstəkləyəcəklər.(“Report”)
