Azərbaycan Ordusu və Çin Xalq Azadlıq Ordusunun nümayəndələri hərbi təhsil sahəsində birgə tədbirlərin planlaşdırılması istiqamətində görüləcək işlərə dair ətraflı fikir mübadiləsi aparıb.
Senzor.az xəbər verir ki, bu barədə Müdafiə Nazirliyi məlumat yayıb.
Bildirilib ki, Çin Xalq Azadlıq Ordusunun Beynəlxalq Hərbi Əməkdaşlıq Baş İdarəsinin nümayəndə heyətinin Azərbaycana səfəri davam edir. Səfər çərçivəsində Müdafiə Nazirliyinin Beynəlxalq Hərbi Əməkdaşlıq İdarəsində Çinin hərbi nümayəndə heyəti ilə görüş keçirilib.
Azərbaycan Ordusu və Çin Xalq Azadlıq Ordusunun nümayəndələrinin iştirakı ilə keçirilən görüşdə iki ölkə arasında hərbi əməkdaşlığın cari vəziyyəti və inkişaf perspektivləri, eləcə də qarşılıqlı maraq doğuran digər mövzular müzakirə edilib.
