Almaniyada təşkil olunan futbol üzrə Avropa çempionatında D qrupunun ikinci matçında turnirin favoritlərindən hesab olunan Fransa millisi Avstriya yığması ilə qarşılaşıb.
Senzor.az bildirir ki, görüşün taleyini bir qol həll edib. Maksimilian Vöberin 38-ci dəqiqədə öz qapısından keçirdiyi top fransızlara minimal hesablı qələbə qazandırıb.
Bu qrupun ilk oyununda Niderland millisi Polşanı 2:1 hesabı ilə məğlub edib.
Qeyd edək ki, Avropa çempionatına iyulun 14-də yekun vurulacaq.
**22:04( 17.06.2024)
Almaniyanın ev sahibliyi etdiyi futbol üzrə Avropa çempionatında E qrupunun ikinci matçında Belçika və Slovakiya komandaları üz-üzə gəlib.
Senzor.az bildirir ki, oyun slovakların 1:0 hesablı qələbəsi ilə yekunlaşıb.
Yeganə qolu 7-ci dəqiqədə İvan Şrants vurub.
Günün son qarşılaşmasında Avstriya və Fransa komandaları görüşəcək. Matçın start fiti saat 23:00-da səslənəcək.
**18:52
Almaniyanın ev sahibliyi etdiyi futbol üzrə Avropa çempionatında daha bir oyun keçirilib.
Senzor.az bildirir ki, E qrupunda Rumıniya və Ukrayna yığmaları üz-üzə gəlib. Oyun rumınların 3:0 hesablı qələbəsi ilə yekunlaşıb.
Bu qrupun digər görüşü saat 20:00-da Belçika ilə Slovakiya seçmələri arasında olacaq.
Günün son qarşılaşmasında Avstriya və Fransa komandaları görüşəcək. Matçın start fiti saat 23:00-da səslənəcək.
**09:32
Almaniyada keçirilən futbol üzrə Avropa çempionatında bu gün daha üç matç oynanılacaq.
Senzor.az bildirir ki, E qrupunda Rumıniya – Ukrayna, Belçika – Slovakiya matçları gerçəkləşəcək.
D qrupunda isə Fransa ilə Avstriya üz-üzə gələcəklər.
AVRO-2024
E Qrupu
17:00. Rumıniya - Ukrayna
Baş hakim: Qlenn Nuberq (İsveç)
Münxen, "Alliants Arena"
20:00. Belçika - Slovakiya
Baş hakim: Halil Umut Meler (Türkiyə)
Frankfurt, "Frankfurt Arena"
D qrupu
23:00. Avstriya - Fransa
Baş hakim: Xesus Gil Manzano (İspaniya)
Düsseldorf ("Düsseldorf Arena")
Qeyd edək ki, AVRO-2024 iyulun 14-də başa çatacaq.
