Azərbaycanın Xarici İşlər Nazirliyi İrana başsağlığı verib.
Senzor.az bildirir ki, bu burədə məlumat xarici siyasət idarəsinin sosial şəbəkə hesabında yerləşdirilib.
“İran İslam Respublikasının Bəndər-Abbas şəhərindəki Şəhid Rəcai limanında baş vermiş dağıdıcı partlayış bizi dərindən kədərləndirib.
Həlak olanların ailələrinə və yaxınlarına, İran xalqına və hökumətinə dərin hüznlə başsağlığı veririk. Yaralananların tezliklə sağalmasına səmimi-qəlbdən ümid edirik”, – paylaşımda vurğulanıb.
Xatırladaq ki, indiyə olan məlumata görə, İranın cənubundakı Bəndər-Abbas şəhərinin Şəhid Rəcai dəniz limanında baş vermiş partlayışda 18 nəfər həyatını itirib, 800-dən çox insan isə xəsarət alıb.
