Ukrayna Prezidenti Volodimir Zelenski cəbhə bölgəsinə səfər edib.
Senzor.az yerli KİV-ə istinadən bildirir ki, bu barədə o, sosial media hesabında məlumat verib.
“Knyaz Mstislav Xrabrı adına 66-cı Əlahiddə Mexanikləşdirilmiş Briqadanın komanda məntəqəsi. Bu gün burada Liman istiqamətində tapşırıqları yerinə yetirən döyüşçülərlə görüşdüm və onları dövlət mükafatları ilə təltif etdim. Briqadanın komandiri ilə bölmənin yerinə yetirdiyi tapşırıqlar və briqadanın ehtiyacları barədə söhbət etdim”, - Zelenski yazıb.
Ukrayna lideri vurğulayıb ki, briqada “Vivaldi” əməliyyatı çərçivəsində Üçüncü Ordu Korpusunun tərkibində digər bölmələrlə birlikdə artıq 125 kvadrat kilometrdən çox ərazini işğaldan azad edib.
