İran Prezidenti Məsud Pezeşkianın oğlu, Prezident Aparatı rəhbərinin müşaviri və media üzrə köməkçisi Yusif Pezeşkian "Traktor" komandasının azarkeşlərinə qarşı səsləndirilən pantürkist və separatçı iddialarına cavab verib.
Senzor.az yerli KİV-ə istinadən bildirir ki, bu barədə o, özünün X hesabında paylaşım edib.
"Bu hadisələri həyəcan və enerjinin boşalması ilə əlaqələndirmək lazımdır, onları pantürkist və separatçı kimi dəyərləndirmək strateji səhvdir", - Yusif Pezeşkian yazıb. 
Qeyd edək ki, "Traktor" komandasının çempionluğunun qətiləşməsindən sonra klub azarkeşləri Tehran, Təbriz, Qəzvin, Urmiya, Ərdəbil və başqa şəhərlərdə şənlik aksiyaları keçiriblər. Aksiyalar zamanı milli şüarlar səsləndirilib, bəzi yerlərdə Azərbaycan və Türkiyə bayraqları qaldırılıb.
Bu, İranın bəzi media orqanlarında, xüsusən sosial media platformalarında narazılıqla qarşılaşıb, azərbaycanlı tərəfdarlar pantürkizm və separatçılıqda günahlandırılıb.
