İran qonşu Yaxın Şərq ölkələrini düşmən hesab etmir və onun fəaliyyəti yalnız ABŞ-a qarşı yönəlib.

Bunu TASS agentliyinə müsahibəsində İranın xarici işlər naziri Abbas Əraqçi deyib.

"Regional səviyyədə ümumi anlayış var ki, İranın atdığı addımlar region ölkələrinə qarşı düşmənçilikdən irəli gəlmir. Bu addımlar bütün tərəflərin bildiyi və anladığı başqa səbəblərlə bağlıdır", - deyə Əraqçi bildirib.

İran XİN rəhbəri xüsusi vurğulayıb ki, münaqişə başa çatdıqdan sonra Tehran qonşu dövlətlərlə dialoqu davam etdirmək və qarşılıqlı etimadı bərpa etmək niyyətindədir.