Azərbaycan Respublikası Prezidentinin köməkçisi, Prezident Administrasiyası Xarici siyasət məsələləri şöbəsinin müdiri Hikmət Hacıyev İran İslam Respublikasının Azərbaycandakıfövqəladə və səlahiyyətli səfiri Seyid Abbas Musəvi ilə görüşüb.
Senzor.az bildirir ki, Hikmət Hacıyev görüşlə bağlı “Tvitter” səhifəsində paylaşım edib.
“Bizi ziyarət etdiyiniz üçün sizə təşəkkür edirəm. Həqiqətən də gündəlikdəki ikitərəfli məsələlər üzrə səmərəli müzakirələr apardıq və gələcək perspektivləri nəzərdən keçirdik”, - deyə Prezidentin köməkçisi vurğulayıb.
Hikmət Hacıyevlə görüşü barədə səfir Seyid Abbas Musəvi də özünün “Tvitter” səhifəsində paylaşım edib.
Tvitdə deyilir: “Azərbaycan Respublikası Prezidentinin köməkçisi Hikmət Hacıyevlə görüşdən məmnunam. İkitərəfli əlaqələrimizin inkişafını və ümumi maraq doğuran məsələləri müzakirə etdik”.
