Bu gün Azərbaycan jurnalistlərinin IX qurultayı keçirilib.
Senzor.az bildirir ki, toplantıda Mətbuat Şurası İdarə Heyətinin qərarı ilə sədr vəzifəsinə Vüqar Zifəroğlunun namizədliyi irəli sürülüb.
O, səsvermənin yekunu olaraq quruma yeni sədr seçilib.
Qeyd edək ki, Vüqar Zifər oğlu Əliyev 12 oktyabr 1978-ci ildə Bakı şəhərində anadan olub.
1995-2001-ci illərdə Bakı Dövlət Universitetində (BDU) beynəlxalq jurnalistika ixtisası üzrə bakalavr və magistr təhsili alıb.
2005-ci ildə "Beynəlxalq jurnalistikada etik normalar və Azərbaycan mətbuatı" mövzusunda namizədlik, 2017-ci ildə isə "Müasir dövrdə xarici KIV-də informasiya ilə manipulyasiya və onun Azərbaycanın internet mediasına təsiri" mövzusunda doktorluq dissertasiyaları müdafiə edib.
İki monoqrafiya, üç dərs vəsaiti, bir bədii roman və üç tarixi araşdırma kitabının müəllifidir.
Vüqar Zifəroğlu 2017-ci ildən Bakı Dövlət Unuvesitetinin jurnalistika fakültəsinin dekanıdır.
Ailəlidir, 2 övladı var.
