Bu gün Yeni Azərbaycan Partiyasının (YAP) İdarə Heyətinin iclası keçirilib.
Senzor.az bildirir ki, Prezident Administrasiyasının sabiq rəhbəri, Azərbaycan Milli Elmlər Akademiyasının (AMEA) keçmiş prezidenti Ramiz Mehdiyev YAP üzvlüyündən və partiyanın Veteranlar Şurasından çıxarılıb.
Yeni Azərbaycan Partiyası Ramiz Mehdiyevin titullarının əlindən alınmasını da tövsiyə edib.
Məsələ partiyanın VIII qurultayından sonra İdarə Heyətinin keçirilən ilk iclasında müzakirə olunub...
Qeyd edək ki, Ramiz Mehdiyev uzun illər Azərbaycan Respublikası Prezidentinin Administrasiyasının rəhbəri, daha sonra isə AMEA-nın prezidenti vəzifələrində çalışıb.
Hazırda R.Mehdiyev dövlətə xəyanət, hakimiyyəti zorla ələ keçirməyə yönələn hərəkətlər, külli miqdarda rüşvət alma və cinayət yolu ilə əldə edilmiş əmlakı leqallaşdırma ittihamları ilə təqsirləndirilir.
