“Türkiyə və Suriya xalqları üçün ayağa qalxmağın vaxtıdır”.
Bunu BMT baş katibi Antoniu Quttereş “Tvitter” hesabında yazıb.
“Mən Türkiyəyə və Suriyaya dəfələrlə səfər etmişəm.
Milyonlarla məcburi köçkünə evlərini və qəlblərini açan insanların həmrəyliyini heç vaxt unutmayacam.
İndi o evlər dağılıb və o ürəklər parçalanır. Türkiyə və Suriya xalqları üçün ayağa qalxmağın vaxtıdır”, - deyə BMT rəhbəri qeyd edib.
Xatırladaq ki, fevralın 6-da Türkiyənin cənub-şərqində 9 saat fərqlə 7,7 və 7,6 maqnitudalı iki zəlzələ baş verib. Son məlumata görə, zəlzələ nəticəsində 17 674 nəfər ölüb, daha 72 879 insan yaralanıb.
Suriyada isə zəlzələ qurbanlarının sayı 3 162 nəfərə çatıb.
Ölkə Səhiyyə Nazirliyinin məlumatına görə, təbii fəlakət zamanı daha 2 200 nəfərdən çox insan yaralanıb.
