Yaponiya hökuməti “Tomahawk” qanadlı raketlərinin alınması üçün ABŞ-la müqavilə bağlamaq niyyətindədir.
“Kyodo” agentliyi bu barədə Yaponiyanın müdafiə naziri Yasukazu Hamadaya istinadən məlumat yayıb.
Bildirilib ki, Tokio 500-ə yaxın raket almağı planlaşdırır
“Biz böyük miqdarda raketin alqı-satqısına dair müqavilə imzalamaq niyyətindəyik", - deyə nazir qeyd edib.
Hamada Yaponiya tərəfinin əldə etmək niyyətində olduğu raketlərin dəqiq sayını açıqlamasa da, “Kyodo” 2023-cü maliyyə ilində (aprelin 1-dən başlayır) Tokionun 500-ə yaxın “Tomahawk” raketinin alınmasını planlaşdırdığını vurğulayıb.
