ABŞ Prezidenti Co Bayden bazar ertəsi günü Vaşinqton yaxınlığındakı Kemp-Devid iqamətgahından Ağ Evə gələcək və burada Əfqanıstandakı vəziyyətlə bağlı nitq söyləyəcək.
Azvision.az xəbər verir ki, Amerika liderinin Ağ Evin mətbuat xidməti tərəfindən yayılmış iş qrafikində belə deyilir.
Qeyd olunub ki, Co Bayden Bakı vaxtı ilə saat 23:45-də Əfqanıstana həsr olunmuş nitq söyləyəcək.
Xatırladaq ki, “Taliban” silahlıları paytaxt Kabilə döyüşsüz daxil olublar və Əfqanıstana tam nəzarəti ələ keçiriblər.
