Polşanın “Orlen” neft-qaz şirkətinin rəhbəri Daniel Obaytek Rusiyanın “Drujba” boru kəməri ilə ölkəyə neft nəqlinin dayandırıldığını bildirib.
Senzor.az yerli KİV-ə istinadən bildirir ki, bu barədə o, Twitter-də yazıb.
“Rusiya Polşaya neft tədarükünü dayandırdı, buna tam hazır idik. Bizə xammalın cəmi 10 faizi Rusiyadan gəlirdi və onu başqa mənbələrlə əvəz edəcəyik. Bu, son bir neçə il ərzində həyata keçirdiyimiz şaxələndirmənin nəticəsidir”, - Obaytek bildirib.
O, əlavə edib ki, ölkəyə neft tədarükünə dair daha ətraflı məlumat ictimaiyyətə çərşənbə axşamı, fevralın 28-də inkişaf layihələri ilə bağlı keçiriləcək konfransda açıqlanacaq.
Skutecznie zabezpieczamy dostawy surowców. Rosja wstrzymała dostawy ropy do Polski, na co jesteśmy w pełni przygotowani. Z Rosji pochodziło już tylko 10% surowca i zastąpimy go ropą z innych kierunków. To efekt dywersyfikacji, którą przeprowadziliśmy w ciągu ostatnich lat.
1/2
— Daniel Obajtek (@DanielObajtek) February 25, 2023
