Dünyanın ən böyük neft ixracatçısı olan Səudiyyə Ərəbistanı aprel ayında Asiya və Avropa üçün neftin qiymətini qaldırıb.
Bu barədə “Bloomberg” məlumat yayıb.
Aprel ayı üçün “Arab Light”ın Asiya ölkələrinə rəsmi satış qiyməti Oman-Dubay etalonunda 2,5 ABŞ dolları bahalaşıb ki, bu da mart ayı qiymətindən 50 sent yüksəkdir.
Eyni zamanda Səudiyyə Ərəbistanının dövlət şirkəti olan “Saudi Aramco” aprel ayında Şimal-Qərbi Avropaya nəql etdiyi neftin qiymətini bir barel üçün 1 ABŞ dolları artırıb.
Səudiyyə Ərəbistanı çatdırılma cədvəlini hər ayın əvvəlində istehlakçıların müraciətləri əsasında formalaşdırır, lakin qlobal neft bazarına təsir edən Ukraynadakı vəziyyətlə əlaqədar qiymət siyasətinə əhəmiyyətli dərəcədə yenidən baxılıb.
