Türkiyədə 5 partiyadan ibarət ATA adlı seçki ittifaqı qurulub.
Senzor.az yerli KİV-ə istinadən bildirir ki, ittifaqın yaradılması barədə məlumatı Zəfər Partiyasının sədri Ümit Özdağ açıqlayıb.
İttifaqda Zəfər Partiyası, Ədalət Partiyası, Doğru Partiyası, Türkiyə Alyansı Partiyası və Ölkəm Partiyası təmsil olunur. Məlumata görə, siyasi ittifaqın seçkilərdə namizədi Sinan Oğan olacaq.
Qeyd edək ki, əslən azərbaycanlı olan Sinan Oğan Türkiyənin İğdır şəhərində doğulub. O, 2011-ci ildən 2015-ci ilədək Türkiyə Böyük Millət Məclisinin millət vəkili olub. 2017-ci ildə Millətçi Hərəkat Partiyasını tərk edib.
Onu da xatırladaq ki, Türkiyədə seçkilər mayın 14-də keçiriləcək.
