Azərbaycan Papua Yeni Qvineya ilə diplomatik münasibətlər qurub.
Senzor.az bildirir ki, bu barədə iki ölkənin BMT-dəki daimi nümayəndələri birgə kommunike imzalayıblar.
“5 may 2023-cü il tarixində Azərbaycan Respublikasının Daimi Nümayəndəsi zati-aliləri cənab Yaşar T. Əliyev və Papua Yeni Qvineya Müstəqil Dövlətinin Daimi Nümayəndəsi zati-aliləri Maks Hufanen Ray iki ölkə arasında diplomatik münasibətlərin qurulmasına dair Birgə Kommunike imzalayıblar”, - Azərbaycanın BMT-dəki Daimi Nümayəndəliyinin məlumatında bildirilib.
Senzor.az xatırladır ki, Papua Yeni Qvineya Okeaniyada - Sakit Okeannın cənub-qərbində dövlətdir. Yeni Qvineya adasının şərq hissəsini, Bismark arxipelaqını, Solomon adalarının şimal hissəsini, Buka adasını, D’Antrkasto adasını və s.əhatə edir. Sahəsi — 462 840 km²-dir. Əhalisi 6 milyon nəfərdən (2009), əsasən papuas və melaneziyalılardan ibarətdir.
