Suriya Prezidenti Bəşər Əsəd Ərəb Dövlətləri Liqasının sammitində iştirak etmək üçün Səudiyyə Ərəbistanına səfər edib.
Senzor.az bildirir ki, bu barədə Suriya dövlət agentliyi məlumat yayıb.
Onun təyyarəsi Ciddədəki Kral Əbdüləziz Beynəlxalq Hava Limanına eniş edib. Suriyanın “əl-Vətən” qəzeti yazır ki, Bəşər Əsəd bu axşam, mayın 18-i və cümə günü səhər ikitərəfli görüşlərdə bir sıra liderlərlə görüşəcək.
Xatırladaq ki, Dəməşq Suriyada vətəndaş müharibəsinin başladığı 2011-ci ildən Ərəb Dövlətləri Liqasından çıxarılmışdı. Son illər bəzi ərəb ölkələri Dəməşqlə münasibətlərin normallaşdırılması prosesinə başlayıb. Bu ilin mayında Suriyanın təşkilatdakı üzvlüyünü bərpa etmək barədə Ərəb Dövlətləri Liqasının qərarı prosesin kulminasiya nöqtəsi olub.
Mayın 19-da keçiriləcək sammitdə ərəb ölkələrinin liderləri Sudandakı vəziyyəti, həmçinin Fələstin-İsrail qarşıdurmasının yeni fazasını müzakirə edəcəklər.
