"Altılı masa"nın prezidentliyə namizədi Kamal Kılıçdaroğlu və Zəfər Partiyası başqanı Ümid Özdağın razılığa gəldiyi iddia edilib.
Bu barədə türkiyəli jurnalist İsmayıl Saymaz məlumat yayıb.
O bildirib ki, Ü.Özdağ ikinci turda Kılıçdaroğlunu dəstəkləyəcək.
Jurnalist 7 bənd üzrə razılaşmanın imzalandığını bildirib:
1. Konstitusiyanın ilk 4 maddəsi dəyişməyəcək.
2. Konstitusiyanınn 66-cı maddəsi olduğu kimi qorunacaq.
3. 1924-cü il Konstitusiyası əsas olaraq saxlanılacaq.
4. Miqrantlar 1 il ərzində geri göndəriləcək.
5. Terrorizmlə effektiv mübarizə aparılacaq.
6. Korrupusiya ilə effektiv mübarizə aparılacaq.
7. Dövlət sektorunda təyinatlar ləyaqət əsasında aparılacaq.
Qeyd edək ki, ATA İttifaqının əsas partiyası olan Zəfər Partiyasının sədri Ümid Özdağın bu gün, mayın 24-də mövqeyini elan edəcəyi və Kılıçdaroğlunu dəstəkləyəcəyi gözlənilir.
ATA İttifaqının prezidentliyə keçmiş namizədi Sinan Oğan isə seçkilərin ikinci turunda Cümhur İttifaqının namizədi, Türkiyə lideri Ərdoğanı dəstəkləyəcəyini elan edib.
