İran Xəzər dənizi vasitəsilə Rusiyanı silahlarla təmin etmək imkanına malikdir.
Bu barədə “CNN” məlumat yayıb.
Ekspertlərin fikrincə, Moskva və Tehran arasında əməkdaşlıq dərinləşdikcə Xəzər marşrutu Rusiya hökumətinin Ukraynaya qarşı genişmiqyaslı hərbi təcavüzünü dəstəkləmək üçün İrandan aldığı pilotsuz təyyarələrin, güllələrin və minaatanların daşınması üçün istifadə olunur.
Nəşr qeyd edib ki, monitorinq məlumatlarına görə, bölgədəki gəmilərin getdikcə “kölgəyə” çevrilməsi malların hərəkətini gizlətmək istəyinin artdığını göstərir. 
“Report” xatırladır ki, 2022-ci ildə “Lloyd's List Intelligence”in məlumatları Xəzərdə gəmi izləmə məsələsində boşluqların sayında artımın olduğunu aşkar edib. Bu, Kiyev və Vaşinqtonun Moskvanın ötən ilin yayında Tehrandan PUA-lar aldığını söyləməsindən az sonra baş verib.
