Böyük Britaniya Baş nazirinin Ticarət Elçisi Baronessa Nikolson Azərbaycana səfərə gəlir.

Senzor.az bildirir ki, bu barədə Böyük Britaniyanın Bakıdakı səfirliyindən məlumat verilib.

Bildilib ki, Ticarət Elçisi Bakı Enerji Həftəsində iştirak etmək və Böyük Britaniyanın Azərbaycanla iqtisadi əlaqələrin gücləndirilməsinə sadiqliyini vurğulamaq üçün bu gün Azərbaycana rəsmi dördgünlük səfər edəcək.

Baronessa Nikolson səfəri çərçivəsində energetika naziri Pərviz Şahbazov, mədəniyyət naziri Adil Kərimli, parlamentin sədri Sahibə Qafarova, enerji, tikinti və səhiyyə şirkətlərinin nümayəndələri ilə görüşəcək. O, bərpa edilmiş ərazilərin bərpasında əməkdaşlıq imkanlarını müzakirə etmək üçün Prezidentin Zəngilan, Qubadlı və Cəbrayıl rayonları üzrə xüsusi nümayəndəsi Vahid Hacıyev və Prezidentin Şuşa üzrə xüsusi nümayəndəsi Aydın Kərimovla da görüşəcək.

Səfər zamanı Baronessa Nikolson Azərbaycanın enerji bazarı imkanlarını və enerji keçidini müzakirə etmək üçün Baku Connect Event-də iştirak edəcək. O, həmçinin Bakı Enerji Həftəsi və Bakı Enerji Forumuna qatılacaq.