"NATO-nun 700 hərbçisi özünün müstəqilliyini elan edən Kosovoya artıq daxil olub. Lakin bu, regionda münaqişənin sülh yolu ilə həllindən imtina demək deyil".
Bunu NATO-nun Baş katibi Yens Stoltenberq təşkilata üzv ölkələrin xarici işlər orqanları rəhbərlərinin qeyri-rəsmi görüşündə iştirak etmək üçün Osloya gələrkən deyib.
Stoltenberq qeyd edib ki, hərbçilər NATO-nun qüvvələrini dəstəkləmək üçün Kosovoya daxil olub.
"NATO Avropa İttifaqının himayəsi altında Belqrad və Priştina arasında danışıqları tam dəstəkləyir”, - Stoltenberq əlavə edib.
Qeyd edək ki, serblərin sıx yaşadığı Kosovonun Strpce şəhərində bələdiyyələrdə albanlar üstünlük təşkil edib. Bu həmin bələdiyyə ərazisində yaşayan serblərin etirazına səbəb olub. Bu gərginlik NATO-nun Kosovo Sülh Qüvvələrinin (KFOR) 30 əsgərinin yaralanmasından sonra daha da artıb.
