Türkiyənin İzmir şəhərində Fətullahçı Terror Təşkilatına (FETÖ) qarşı əməliyyat keçirilib və 9 nəfər saxlanılıb.
Senzor.az yerli KİV-ə istinadən bildirir ki, qruplaşmanın gizli hərbi strukturuna qarşı İzmirlə yanaşı daha 4 şəhərdə əməliyyat təşkil olunub.
Haqqında həbs qərarı çıxarılan şübhəlilərdən 1-nin polkovnik, 1-nin kiçik zabit, 1-nin isə çavuş olduğu bildirilir. Nəzarətə alınan şübhəlilər ifadələrini almaq üçün jandarma komandanlığına aparılıb.
Qeyd edək ki, sentyabrın 18-də Ankara şəhərində Fətullahçı Terror Təşkilatına qarşı əməliyyat çərçivəsində 8 nəfər yaxalanıb. Ankara mərkəzli 4 əyalətdə FETÖ terror təşkilatının gizli hərbi strukturuna qarşı əməliyyat keçirilib və 10 şübhəlidən 8-i saxlanılıb.
