Koreya Xalq Demokratik Respublikasının (KXDR) Baş Raket İdarəsi ən son silahlarını uğurla sınaqdan keçirib.
Senzor.az bildirir ki, bu barədə Koreya Mərkəzi Xəbər Agentliyi məlumat yayıb.
Məlumata görə, sınaqlar sentyabrın 20-də ölkə lideri Kim Çen Inın iştirakı ilə baş tutub. O, sınaqları ölkənin müdafiə sənayesinin texniki imkanlarının və silahlı qüvvələrin potensialının inkişafının göstəricisi adlandırıb.
Agentlik yeni silah sisteminin növü və texniki xüsusiyyətləri barədə məlumat verməyib. Bildirilib ki, sınaqlar qonşu ölkələrin təhlükəsizliyinə mənfi təsir göstərməyib.
KXDR lideri yeni sistemin ölkənin müdafiə qabiliyyətinin gücləndirilməsi baxımından mühüm əhəmiyyət daşıdığını bildirib.
