Ermənistanın baş naziri Nikol Paşinyanla ölkə parlamentinin deputatları arasında qapalı görüş keçirilib.
Senzor.az bildirir ki, bu barədə “Joxovurd” nəşri məlumat yayıb.
KİV nümayəndələrinin iştirakı olmadan keçirilən görüşün üç saatdan çox davam etdiyi bildirilir.
Nəşr yazır ki, qapalı görüşdə N.Paşinyan Azərbaycan Prezidenti İlham Əliyevlə keçirilən görüş də daxil olmaqla Münhen danışıqlarının nəticələrini təqdim edib.
O, danışıqlar prosesində xüsusi irəliləyişin olmadığını bildirib.
Hələlik qapalı görüşün digər detalları məlum deyil. Öz növbəsində hakim partiya da görüşlə bağlı hər hansı açıqlama yaymayıb.
