Tehranda Ermənistan və İran Xarici İşlər nazirlikləri səviyyəsində məsləhətləşmələr keçirilib.
Senzor.az yerli KİV-ə istinadən bildirir ki, bu barədə İran Xarici İşlər Nazirliyi məlumat yayıb.
Qeyd olunub ki, İranın xarici işlər naziri Hüseyn Əmir Abdullahian Ermənistan xarici işlər nazirinin müavini Vaan Kostanyanın rəhbərlik etdiyi nümayəndə heyətini qəbul edib.
Vurğulanıb ki, rəsmi Tehran suverenlik prinsiplərinə və beynəlxalq səviyyədə tanınmış sərhədlərin toxunulmazlığına hörmətlə yanaşılması, eləcə də regionda sülhün əldə edilməsi ilə bağlı mövqeyini bir daha təsdiqləyir.
