UEFA Avropa Liqasının 1/8 final mərhələsində “Bayer”in qonağı olacaq “Qarabağ” klubu bu gün Almaniyaya yola düşüb.
Senzor.az bildirir ki, Ağdam təmsilçisi bir qədər əvvəl çarter reysi ilə Heydər Əliyev Beynəlxalq Hava Limanını tərk edib.
Qeyd edək ki, sabah Bakı vaxtı ilə saat 20:00-da Qurban Qurbanov mətbuat konfransına başlayacaq, yarım saat sonra isə komanda “Bay Arena”da yekun məşqə çıxacaq.
Xatırladaq ki, Leverkuzendəki qarşılaşma martın 15-də, Bakı vaxtı ilə saat 00:00-da başlayacaq. Bakıdakı ilk matç 2:2 hesabı ilə nəticələnib.
