ABŞ Ukraynanın paytaxtı Kiyevdəki səfirliyə əlavə hərbi müşavirlər göndərməyi planlaşdırır.
Senzor.az bildirir ki, bunu Pentaqonun mətbuat katibi Patrik Rayder deyib.
Rayder qeyd edib ki, müşavirlər hərbi vəzifələri yerinə yetirməyəcək, Ukrayna hökumətinə və ordusuna məsləhət verəcəklər.
Xatırladaq ki, ABŞ Konqresinin Nümayəndələr Palatası dünən Ukraynaya yardımın maliyyələşdirilməsi və Rusiya aktivlərinin müsadirə edilməsi barədə qanun layihələrini təsdiqləyib. Həmin sənədlərə əsasən, ABŞ Ukraynaya 61 milyard dollara yaxın məbləğdə yardım ayıracaq. Bundan başqa, Rusiyanın dondurulmuş 6 milyard aktivləri də Kiyevə veriləcək.
