Azərbaycanın Qarabağ bölgəsindən çıxan Rusiya sülhməramlılarının karvanı Ermənistanın Gorus və Sisiandakı müvəqqəti dislokasiya məntəqələrinə yollanıb.
Bunu Ermənistan Təhlükəsizlik Şurasının katibi Armen Qriqoryan “Armenpress ”in sualını cavablandırarkən deyib.
"Ermənistan hökuməti Qarabağda yerləşdirilməsi və sülhməramlı fəaliyyət üçün Rusiya sülhməramlı birləşmələrinə Gorus və Sisianda müvəqqəti dislokasiya məntəqələri ayırıb. Laçın dəhlizinin normal fəaliyyətini təmin etmək üçün yer də seçilib.
Rusiya sülhməramlı qoşunları Qarabağı tərk etdiyinə görə, təbii ki, onlar Ermənistanda da qala bilməzlər. Qarabağdan gələn sülhməramlılardan ibarət qrup və konvoy onların bağlanması üzrə işlərin təşkili üçün Gorus və Sisiandakı müvəqqəti dislokasiya məntəqələrinə yollanıb", - A.Qriqoryan qeyd edib.
