“İşğaldan azad edilmiş ərazilərdə səkkiz rayon xəstəxanasının, səkkiz ailə sağlamlıq mərkəzinin və 84 həkim tibb məntəqəsinin inşası nəzərdə tutulub”.

Senzor.az bildirir ki, bunu Səhiyyə naziri Teymur Musayev “Real” Təhlil və İnformasiya Mərkəzinin rəhbəri Mir Şahin Ağayevin müəllifi və aparıcısı olduğu populyar “Mir Şahinin vaxtı” proqramının bir az əvvəl REAL TV-də efirə gedən buraxılışında deyib.

Onun sözlərinə görə, erməni işğalından azad edilmiş ərazilərdə mərhələli şəkildə yenidənqurma işlərinə başlanılıb: “Yenidənqurma deyəndə səhiyyə infrastrukturunun yenidən qurulmasını nəzərdə tuturuq. “Böyük Qayıdış” proqramı çərçivəsində səkkiz şəhər, səkkiz qəsəbə və 84 kəndin yenidən salınması və ya bərpa olunması nəzərdə tutulur. Səkkiz rayon xəstəxanasının, səkkiz ailə sağlamlıq mərkəzinin və 84 həkim tibb məntəqəsinin inşası nəzərdə tutulub. Növbəti mərhələdə 90 çarpayılıq Şuşa Rayon Mərkəzi Xəstəxanasının açılışına hazırlıq görülür. Ağdam şəhərində 210 çarpayılıq rayon mərkəzi xəstəxanasının inşası artıq başlamaqdadır. Köç zamanı insanları tam tibbi xidmətlə təmin edən tibb müəssisələri mövcud olacaq”.

Daha ətraflı “Mir Şahinin vaxtı”nda: