PKK terror təşkilatının həbsdəki lideri Abdullah Öcalan tərəfdarlarına çağırış edib.
Senzor.az Türkiyə KİV-ə istinadən bildirir ki, bəyanat türk və kürd dillərində oxunub.
Öcalan çağırışında “silahı buraxın” deyib: “Demokratik cəmiyyətə ehtiyac qaçılmazdır. Cümhuriyyət tarixinin ən uzun və ən əhatəli üsyan və hərəkatı olan PKK-nın güc və dəstək tapmasının səbəbi demokratik siyasi kanalların bağlanması idi. Mən tərksilah olmağa çağırıram. Bütün qruplar silahı yerə qoymalı və PKK ləğv olunmalıdır. Bu çağırışa görə məsuliyyəti üzərimə götürürəm”.
Daha ətraflı bu linkdəki videomaterialda: https://www.youtube.com/watch?v=vqfTh7QG5IE
**10:58
Bu gün PKK terror təşkilatının lideri Abdullah Öcalanın İmralı həbsxanasından təşkilatı tərk-silah olmağa çağıracağı gözlənilir.
“Teleqraf” xəbər verir ki, bu barədə “Türkiyə” qəzeti məlumat yayıb.
Məlumatda deyilir ki, Öcalanın çağırışını PKK-ya bağlı Xalqların Birliyi və Demokratiya Partiyasının (DEM) onunla bu gün həbsxanada görüşəcək heyəti oxuyacaq, çıxış Diyarbəkir və Van şəhər meydanlarında nəhəng ekranlarda yayımlanacaq.
TGRT telekanakının koordinatoru Əhməd Sözcan İmralıdan gözlənilən çağırışla bağlı deyib: “DEM Partiyası görüşdən sonra saat 17:00-da (Bakı vaxtilə 18:00-da – red.) İstanbulda açıqlama verəcək. Brifinqdə Öcalanın bəyanatının oxunacağı bildirilir. Bir səhifəlik açıqlama olacağı gözlənilir. Açıqlamada Abdullah Öcalanın PKK-ya terrorun bitdiyi ilə bağlı çağırış edəcəyi, terror təşkilatının özünü buraxmasının lazım olduğunu bəyan edəcəyi deyilir. Terror təşkilatına çağırış ediləcək ki, qurultay çağırın və PKK-nın ləğv olunduğunu bəyan edin”.
Sözcan qeyd edib ki, Öcalanın 4 fərqli mərkəzə çağırış edəcəyi gözlənilir: “Birincisi, İraqda Qəndilə (PKK-nın əsas düşərgəsinə), ikincisi, Suriyadakı YPG/SDQ-yə çağırış edəcək. Onun terrorçuları silahlarını yerə qoymağa və Suriya ordusuna qoşulmağa çağıracağı gözlənilir. Xüsusilə PKK-nın Avropa qanadına səslənəcək.
Digər çağırış isə DEM Partiyasına olacaq. Ona bildiriləcək ki, terror təşkilatı ilə əlaqənizi kəsin, Türkiyədə demokratik siyasətinizi davam etdirin. Heyətdə Öcalanın vəkilləri də olacaq”.
Mövzu ilə bağlı daha ətraflı bu linkdəki videoda(https://www.youtube.com/watch?v=YIDQu7fBRm8)
