ABŞ və Rusiyadan olan yüksəksəviyyəli diplomatların İstanbulda keçirilən növbəti görüşü başa çatıb.
Senzor.az bildirir ki, iki ölkə arasındakı diplomatik münasibətlərin bərpası ilə bağlı keçirilən toplantı ABŞ-ın İstanbuldakı baş konsulluğunda baş tutub.
Altı saatdan çox davam edən müzakirələrdən sonra Rusiya heyəti konsulluğun binasından ayrılıb.
Görüşün nəticələri ilə bağlı mətbuata açıqlama verilməyib.
**11:26
İstanbulda Rusiya Federasiyası və ABŞ nümayəndələri arasında iki ölkənin səfirliklərinin fəaliyyətinin bərpası məsələsi ilə bağlı danışıqlar başlayıb.
Bu barədə “RİA Novosti” məlumat yayıb.
Görüş ABŞ Baş konsulunun iqamətgahında keçirilir.
Ötən gün Rusiyanın xarici işlər naziri Sergey Lavrov bildirib ki, görüşün nəticələrinə əsasən, bu istiqamətdə tərəflərin nə qədər sürətli və effektiv şəkildə irəliləməsinin mümkün olacağı bəlli olacaq.
ABŞ Dövlət Departamentindən CNN-ə verilən məlumata görə, İstanbul görüşündə diplomatların fəaliyyəti üçün tələb olunan viza və bank əməliyyatları, personal sayı ilə bağlı məsələlər müzakirə olunacaq(Bax:https://www.youtube.com/watch?v=9lC4aoPyydM)
