Baş nazir Nikol Paşinyan İrəvanda “Mülki Müqavilə” Partiyasının nümayəndələri ilə qapalı görüş keçirib və Ermənistanla Azərbaycan arasında münasibətlərdə nə gözlənildiyini müzakirə edib.
Bu barədə “Joxovurd” qəzeti mənbələrinə istinadən məlumat yayıb.
Məlumata görə, görüş fevralın 26-da respublika parlamentində keçirilib və iki saata yaxın davam edib: “Paşinyan bu dəfə gərgin olmayıb, əsasən tələsməməyə və mümkünsə Azərbaycanın təkliflərini uzun müddət müzakirə edib sonra cavab verməyə çağırıb. Baş nazir onu da qeyd edib ki, hazırda hər hansı eskalasiya təhlükəsi yoxdur. Qapalı görüşdən sonra Paşinyan həmsöhbətlərinin heç bir sualına dəqiq cavab verməyib və onlarda belə təəssürat yaranıb ki, baş nazir onlara güvənmir, əsasən ictimai şəkildə dediklərini onlarla paylaşır”.
