Səudiyyə Ərəbistanının paytaxtı Ər-Riyadda ABŞ və Ukrayna nümayəndə heyətlərinin yeni görüşü başlayıb.
Bu barədə "Agence France-Presse" Ukrayna nümayəndə heyətindəki mənbəyə istinadla məlumat paylaşıb.
Agentliyin həmsöhbəti bildirib ki, "əvvəlki kimi amerikalılarla işləyirik".
Agentlik digər təfərrüatı açıqlamayıb.
Qeyd edək ki, ABŞ və Ukrayna nümayəndə heyətlərinin Ər-Riyaddakı bundan əvvəlki görüşü martın 23-də kiçirilib və iki saata yaxın davam edib.
Dünən, martın 24-də isə Ər-Riyadda Rusiya və ABŞ nümayəndələrinin görüşü olub və o, 12 saatdan artıq çəkən məsləhətləşmələrdən sonra yekunlaşıb.
