Özbəkistan Prezidenti Şavkat Mirziyoyev Ramazan bayramı ərəfəsində "Cəza müddətini çəkən, səmimi şəkildə peşman olan və islah yolunu qətiyyətlə tutmuş bir qrup şəxsin əfv edilməsi haqqında" fərman imzalayıb.

Özbəkistan KİV-in yazdığına görə, bu barədə dövlət başçısının mətbuat xidməti məlumat yayıb.

Bildirilib ki, sözügedən fərman əsasında 488 məhkum əfv edilib.

Əfv edilənlərdən 100 nəfər əsas cəzadan tamamilə azad edilib, 268 nəfər şərti - vaxtından əvvəl cəza çəkməkdən azad olunub, 34 nəfərə təyin edilmiş cəza daha yüngül cəza ilə əvəz edilib. Bundan əlavə, 86 məhbusun həbs müddəti azaldılıb.

"Əfv edilənlər arasında xarici ölkələrin 17 vətəndaşı, 37 qadın, 60 yaşdan yuxarı 37 kişi, 30 yaşadək 167 şəxs və qadağan olunmuş təşkilatların fəaliyyətində iştirak etmiş 5 nəfər var", - məlumatda qeyd edilib.