Rusiya Federasiyasında miqrantlarla bağlı yeni dövlət xidməti yaradılıb.

APA xəbər verir ki, bu barədə Rusiya Prezidenti Vladimir Putin fərman imzalayıb.

Fərmana əsasən, Daxili İşlər Nazirliyinin tərkibində Vətəndaşlıq və Xarici Vətəndaşların Qeydiyyatı Xidməti yaradılıb.

Daxili İşlər Nazirliyində Əcnəbilərin Vətəndaşlıq Vəziyyəti və Qeydiyyatı Xidmətinin rəisi nazirin birinci müavini səlahiyyətlərinə malik olacaq.

Putinin digər fərmanı ilə Baş prokurorun müavini Andrey Kikot daxili işlər nazirinin birinci müavini və nazirlikdə Əcnəbilərin Qeydiyyatı Xidmətinin rəisi təyin edilib.