Paris hakimiyyəti məhkəmə çərçivəsində həbs olunaraq vəzifəsindən uzaqlaşdırılan İstanbul meri Əkrəm İmamoğluna fəxri vətəndaş adı verib.
Bu barədə Fransanın “Fiqaro” qəzeti yazıb.
Məqalədə deyilir ki, martın 19-da Türkiyədə saxlanılan İstanbul bələdiyyə sədri Əkrəm İmamoğlu Paris şəhərinin fəxri vətəndaşı olub.
Paris meri Anne Hidalqo deyib ki, İmamoğlunun şəhərin fəxri vətəndaşı olması ona müqavimət göstərmək gücü verəcək və Türkiyə hakimiyyətini demokratik ağlın səsini eşitməyə məcbur edəcək.
Xatırladaq ki, martın 23-də məhkəmə İstanbul meri Əkrəm İmamoğlunu korrupsiya və Türkiyədə terror təşkilatı sayılan Kürdüstan Fəhlə Partiyasına yardım ittihamı ilə həbs edib.
