İsrailin Baş naziri Benyamin Netanyahunun Ofisi Azərbaycanda Türkiyədən olan nümayəndələrlə birbaşa danışıqların aparıldığını təsdiqləyib.
Senzor.az bildirir ki, bu barədə İsrail KİV-i məlumat yayıb.
"Baş nazir Benyamin Netanyahunun göstərişi ilə dünən, aprelin 9-da İsrail Milli Təhlükəsizlik Şurasının rəhbəri Tsaxi Haneqbinin başçılıq etdiyi hərbi-siyasi nümayəndə heyəti, o cümlədən Müdafiə Nazirliyi və təhlükəsizlik qüvvələrinin nümayəndələri və onların türkiyəli həmkarları arasında görüş keçirilib", - deyə məlumatda qeyd edilib.
Həmçinin bildirilib ki, İsrail Baş nazirinin Ofisindən görüşün təşkilinə görə Azərbaycan Respublikasının Prezidenti İlham Əliyevə minnətdarlıq ifadə olunub.
Görüş zamanı tərəflər regional maraqları müzakirə edib, sabitliyin və təhlükəsizliyin qorunması üçün dialoqun davam etdirilməsi barədə razılığa gəliblər.
