İran və ABŞ arasında danışıqların ikinci raundu başa çatıb.

Senzor.az-ın məlumatına görə, İran Xarici İşlər Nazirliyinin sözçüsü məsləhətləşmələrin faydalı olduğunu və danışıqların konstruktiv atmosferdə keçdiyini bildirib.

Onun sözlərinə görə, İran və ABŞ yaxın günlərdə texniki səviyyədə məsləhətləşmələri davam etdirmək barədə razılığa gəliblər.

İranın XİN başçısı Abbas Əraqçi isə bildirib ki, danışıqların 3-cü raundu 26 apreldə təşkil olunacaq.

**14:34

Romada ABŞ və İran arasında nüvə sazişi üzrə danışıqların ikinci raundu başlayıb.

Bu barədə İranın dövlət teleradio şirkəti (IRIB) məlumat yayıb.

Məsləhətləşmələr Oman səfirinin iqamətgahında keçirilir. İran nümayəndə heyətinə xarici işlər naziri Abbas Əraqçi, Amerika nümayəndə heyətinə isə ABŞ Prezidentinin Yaxın Şərq məsələləri üzrə xüsusi nümayəndəsi Stiven Uitkoff başçılıq edirlər.