Türkiyə Prezidenti Rəcəb Tayyip Ərdoğan episentri İstanbuldan 23 kilometr aralıda Mərmərə dənizində qeydə alınan 6,2 bal gücündə zəlzələ ilə bağlı açıqlama verib.
Bu barədə Türkiyə KİV məlumat yayıb.
“Hadisələrin gedişatını yaxından izləyirik. Bütün vətəndaşlarımıza “keçmiş olsun” deyirəm. Qruplarımız ərazidə ümumi yoxlama və nəzarət işlərini davam etdirir", - açıqlamada qeyd olunub.
Türkiyənin Nəqliyyat və İnfrastruktur naziri Abdulkadir Uraloğlu sosial şəbəkə hesabında bildirib ki, ilkin araşdırmalara əsasən, avtomobil yollarında, hava limanlarında, qatar və metro xətlərində hər hansı dağıntı və ya zərər qeydə alınmayıb.
