Xəbər verdiyimiz kimi, bu gün Papa Fransiskin dəfn mərasimi keçiriləcək. Papanın vəsiyyətinə görə, o, Romanın mərkəzindəki Santa Maria Maggiore bazilikasında torpağa tapşırılacaq və bir əsrdən artıq müddətdə Vatikandan kənarda dəfn edilən ilk pontifik olacaq.
Yerli və xarici KİV-lərin məlumatına görə, artıq dünya liderləri dəfn mərasimində iştirak etmək üçün Romaya səfər ediblər.
Onlar arasında ABŞ Prezidenti Donald Tramp və həyat yoldaşı Melaniya Tramp, Fransa Prezidenti Emmanuel Makron, Böyük Britaniyanın Baş naziri Kir Starmer, Braziliya Prezidenti Lula da Silva, Argentina Prezidenti Xavyer Miley, İtaliyanın Baş naziri Ciorcia Meloni, Ukraya Prezidenti Volodimir Zelenski, İsveç Kralı Karl Qustav və həyat yoldaşı Silvia Sommerlat, Norveç taxtının vəliəhd şahzadəsi Haakon və həyat yoldaşı şahzadə Mette-Marit, Böyük Britaniya şahzadəsi Uilyam, BMT-nin Baş katibi Antonio Quterreş, Avropa Komissiyasının Prezidenti Ursula fon der Lyayen də var.
Qeyd edək ki, Azərbaycanı dəfn mərasimində Milli Məclisin sədri Sahibə Qafarova təmsil edir.
