ABŞ Prezidenti Donald Tramp cümə axşamı İstanbulda keçiriləcək Rusiya-Ukrayna danışıqlarına qoşula bilər.
“Reuters” xəbər verir ki, bu barədə amerikalı lider Ağ Evdə jurnalistlərə özü bildirib.
Tramp Rusiya və Ukrayna prezidentlərinin birbaşa danışıqlar aparmaq qərarını nikbin adlandırıb və bu görüşün səmərəli olacağına əminliyini ifadə edib.
“Cümə axşamı harda olacağımı bilmirəm. O qədər görüşlərim var ki... Amma faydalı olacağına əmin olsam, getməyim də bir ehtimaldır”, - o deyib.
Amerika lideri, həmçinin Rusiya tərəfinin Ukrayna ilə 30 günlük atəşkəs şərtləri ilə bağlı razılaşacağına inandığını vurğulayıb.
