ABŞ-ın Yaxın Şərq üzrə xüsusi nümayəndəsi Stiven Uitkoff və Ukrayna üzrə xüsusi nümayəndəsi Kit Kelloq mayın 15-də Türkiyənin İstanbul şəhərində baş tutacaq Rusiya-Ukrayna danışıqlarına qoşulacaqlar.
"Reuters" agentliyinin öz mənbələrinə istinadən yaydığı məlumata görə, amerikalı xüsusi nümayəndələr İstanbula elə həmin gün yollanacaqlar. Onların Rusiya və Ukraynanın nümayəndə heyətləri arasında aparılacaq danışıqları yalnız "müşahidə edəcəkləri" diqqətə çatdırılır.
Xatırladaq ki, Rusiya Prezidenti Vladimir Putin mayın 10-da İkinci Dünya müharibəsində qələbənin 80 illiyi üzrə tədbirlərinin yekununda jurnalistlərə açıqlamasında rəsmi Kiyevə müraciətlə İstanbulda ilkin şərt qoyulmadan birbaşa danışıqlar təklifi irəli sürüb. O diqqətə çatdırıb ki, Türkiyə də mayın 15-də keçirilməsi nəzərdə tutulan bu danışıqların təşkilinə hazırdır.
