Beynəlxalq təşkilat Brüsseldə Ermənistana Konstitusiya dəyişikliyi çağırışı etdi – AMİP-in TƏŞƏBBÜSÜ İLƏ
FOTO

Xəbər verdiyimiz kimi, Milli Məclisin deputatı, Azərbaycan Milli İstiqlal Partiyasının (AMİP) sədri Arzuxan Əlizadə, AMİP sədrinin beynəlxalq əlaqələr üzrə müavini Elşən Mustafayev və AMİP Qadınlar təşkilatının sədr müavini İlhamə Əliyeva Beynəlxalq Demokratlar İttifaqının “BDİ-2025” Forumunda iştirak etmək məqsədi ilə 13-17 may tarixlərində Belçikanın paytaxtı Brüsseldə səfərdə olublar. 

 

AMİP-in Mətbuat Xidmətindən Senzor.az-a verilən məlumada bildirilir ki, səfər Beynəlxalq Demokratlar İttifaqının (International Democracy Union-IDU) dəvətinə əsasən baş tutub.

 

İki gün davam edən Forumda BDİ üzvü olan sağ mərkəz yönümlü partiyaların rəhbərləri, hazırkı və sabiq dövlət və hökumət mənsubları, Avropa parlamentinin deputatları və Avropa İttifaqının komissarları, həmçinin, ABŞ Respublikaçılar partiyasının rəhbərliyində təmsil olunan senatorlar və konqresmenlər, Avropa parlamentinin ən böyük fraksiyası olan Avropa Xalq Partiyasının (EPP) rəhbərliyi, eləcə də bir sıra Avropa media qurumlarının rəhbərləri və politoloqlar iştirak ediblər. 

 

Dünyada mövcud olan siyasi və iqtisadi problemlər, qadınların ictimai-siyasi həyatda rolu, Rusiya-Ukrayna müharibəsi və bu konteksdə   Avropada təhlükəsizlik məsələləri, eləcə də dünyanın müxtəlif yerlərində mövcud olan konfliktlər və həll yolları Forumda əsas müzakirə olunan mövzular sırasında olub. 

Forumun gedişatında həmçinin Cənubi Qafqazda dayanıqlı sabitliyə nail olunması üçün Azərbaycanla Ermənistan arasında sülh müqaviləsinin imzalanmasının əhəmiyyətini vurğulayan sənəd yayılıb. Bununla əlaqədar olaraq AMİP-in təqdim etdiyi məlumatlar əsasında sülh müqaviləsinə əsas maneə kimi Ermənistan Konstitusiyasında Azərbaycana qarşı ərazi iddialarını özündə ehtiva edən müddəanın olduğu qeyd edilib və Beynəlxalq Demokrat İttifaqının Ermənistan tərəfindən Referendum yolu ilə bu maneənin aradan qaldırılmasının vacibliyini özündə əks etdirən “Azərbaycan və Ermənistan arasında davamlı sülhün əldə olunmasına dair” xüsusi Bəyanatı qəbul olunub.

   

Səfər çərçivəsində AMİP sədri və nümayəndə heyətinin üzvləri tərəfindən Forumun işində iştirak edən bir çox siyasilərlə, o cümlədən Kanadanın 22-ci baş naziri Stefen Harper, Avropa Xalq Partiyasının (EPP) prezidenti Manfred Veber və AXP-nin yeni seçilmiş baş katibi xanım Dolors Montserrat, Böyük Britaniyanın mühafizəkarlar partiyasından olan keçmiş baş nazirlər Liz Truss, Boris Conson, eləcə də  partiyanın hazırkı lideri xanım Kemi Badenoch və digərləri ilə  görüşlər keçirilib, gələcək əməkdaşlıq məsələləri ilə bağlı fikir mübadiləsi aparılıb.

 

Mayın 16-da Avropa Parlamentinin inzibati binasında Beynəlxalq Demokratlar İttifaqının növbəti Qurultayı keçirilib və Təşkilatın yeni rəhbər strukturları formalaşıb. Kanadanın sabiq Baş naziri Stefan Harper İDU-nun Prezidenti, Tina Mercep isə Baş katibi vəzifəsinə seçiliblər.

 

Məlumat üçün bildiririk ki, Beynəlxalq Demokratlar İttifaqı dünyanın 100-dən çox ölkəsinin 80-dən artıq sağ mərkəz yönümlü  partiyasını öz ətrafında birləşdirən nüfuzlu qurumdur və AMİP 25 ildən artıqdır ki, bütün türk dünyasından yeganə siyasi təşkilat olaraq BDİ-nin tam hüquqlu üzvüdür.






Digər xəbərlər

Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
Baş yazı
SenzoR.az – informasiya və araşdırma portalı
Təsisçi və baş redaktor: Rusvat Bayramov
Telefon: 050 322 43 84
Email: [email protected]
Bütün hüquqlar qorunur.
Materiallardan istifadə edərkən www.senzor.az saytına istinad etmək məcburidir.
Reklam yerləşdirmək üçün [email protected] ünvanına müraciət edə bilərsiniz.