Polşada prezident seçkisinin ikinci turunda müxalifətdə olan Hüquq və Ədalət Partiyasının namizədi Karol Navrotskinin qələbəsindən sonra sağçılar Baş nazir Donald Tuskun istefasını tələb etməyə başlayıblar.
Bu barədə TASS məlumat yayıb.
RMF24 radiostansiyasının efirində bu tələbi ilk səsləndirənlərdən biri Seymin (parlamentin aşağı palatası) deputatı Ancey Slivka olub.
"Baş nazir istefa verməlidir", - deyə o bildirib.
Deputatın sözlərinə görə, seçkidə qalib gələn Navrotskinin əsl rəqibi Varşava meri Rafal Tşaskovski deyil, Donald Tusk olub.
Onun fikrincə, Navrotskinin qələbəsi hökumətin "qırmızı vərəqə alması" deməkdir.
Dövlət Seçki Komissiyasının məlumatına görə, prezident seçkisinin ikinci turunda bülletenlərin 100%-i emal edildikdən sonra Karol Navrotski 50.89% səslə qalib gəlib. Onun rəqibi Rafal Tşaskovski 49.11% səs toplayıb.
