"28 May Azərbaycanın Müstəqillik Gününü Türkiyə, Pakistan və Azərbaycanın əbədi qardaşlığına yaraşan bir şəkildə qeyd etdik".
Senzor.az yerli KİV-ə istinadən bildirir ki, bunu Türkiyə Prezidenti Rəcəb Tayyib Ərdoğan Nazirlər Kabineti toplantısından sonra mətbuata açıqlamalarında deyib.
O, Qarabağda aparılan sürətli yenidənqurma işlərindən də danışıb.
"Müzəffər lider, dövlət başçısı İlham Əliyevin səyləri ilə 30 illik işğaldan sonra Qarabağın hər yerində, sözün əsl mənasında, yenidənqurma və inkişaf səfərbərliyi yaşanır. Yollar, körpülər, tunellər, məskunlaşma yerləri və əkin sahələri ilə Qarabağ işğal yaralarını sürətlə sağaldır. Türkiyə olaraq biz də bütün bu işlərə dəstək veririk", - deyə Ərdoğan vurğulayıb.
