İyunun 18-də Milli Məclisdə Qara Dəniz İqtisadi Əməkdaşlıq Təşkilatının Parlament Assambleyasının (QDİƏT PA) 65-ci plenar sessiyasının açılış mərasimi keçirilir.

Senzor.az bildirir ki, plenar sessiyada “QDİƏT regionunda əlaqələrin gücləndirilməsi, smart və davamlı nəqliyyat infrastrukturunun yaradılması yolu ilə mobilliyin artırılması” mövzusunda müzakirələr aparılacaq, müvafiq qərarlar qəbul ediləcək.

Tədbir çərçivəsində QDİƏT PA-ya sədrlik Azərbaycandan Bolqarıstana təhvil veriləcək.

Eyni zamanda tədbir çərçivəsində təşkilatın bir neçə komitəsinin iclaslarının keçiriləcəyi, təşkilati məsələlərə baxılacağı gözlənilir.